Оваа недела нема поголеми измени на светските ранг листи меѓу тенисерите во машка и женска конкуренција.
Карлос Алкараз и натаму е лидер на АТП листата со скоро 500 бода предност во однос на Новак Ѓоковиќ. Данил Медведев и Каспер Руд остануваат на третата и четвртата позиција, а петти е Стефанос Циципас.
Холгер Руне и оваа недела е шести тенисер на светот, а најдобрата десеторка ја комплетираат Андреј Рубљов, Јаник Синер, Тејлор Фриц и Франсис Тијафо.
Кај дамите Швојнтек води пред Ирина Сабаленка, Елена Рибакина и Џесика Пегула. Онс Жабер има скок од едно место и сега петта, а на шестата позиција падна Каролин Гарсија.
Најдобрата десеторка на ВТА листата ја заокружуваат Коко Гоф, Петра Квитова, Марија Сакари и Маркета Вондрушова.
ФОТО: Игор Паневски