По победата во дуелот против Лиам Деликата, Калин Ивановски и го донесе првиот поен на Македонија во мечот од првото коло од третата Европска зона во Дејвис купот.
Нашиот најдобар тенисер во два сета со 6:2 и 6:4 го совлада репрезентативецот на Малта во меч што траеше 78 минути.
Претходно Обрад Марковски и покрај водството од 1:0 во сетови на крајот е поразен во соочувањето со Алекс Дегабриеле.
Двајцата тенисери на теренот минаа 2 часа и 46 минути и откако Марковски го реши првиот сет во своја полза со 6:4 следуваше пресврт и на крајот Дегабриеле со 6:2 и 7:6 и донесе предност на Малта.
Победникот во овој дуел ќе се решава во игра на двојки каде Ивановски и Берк Бугариќ ќе се соочат со Дегабриеле и Деликата.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.