Поминавме лошо да не се повтори. Додека владата се фали дека земјата успешно ја пребродила енергетската криза, бизнисот смета дека главната локомотива на економијата била препуштена сама на себе. Бараат одговорност и гаранции од државата дека тоа нема да се повтори и оваа година.
Премиерот смета дека планот дал резултати. Комората е тука да сугерира. Уверува дека заедно со бизнисот ќе ги креираат идните чекори.
Од стопанската комора реагираа и на тоа дека мора нешто да се преземе за на трговците со струја да не им се овозможува со мали основачки влогови да прават милионски долгови.
Според последниот извештај на ревизорите управниот одбор на МЕПСО отпишал долг од 14 милиони евра на фирми трговци со струја. За нив во услови на криза се влечеше струја од европската мрежа, долгот не го подмирија. Сепак и новиот директор на МЕПСО контра фактите на ревизорите. Тврди овој долг не е отпишан. Дел од фирмите се со блокирани сметки но тој тврди ќе се искористат сите механизми парите да се вратат во касата на компанијата.
Денеска во кругот на РЕК преставници од владата и од целиот енергетски сектор се собраа за да го одбележат успешното пребродување на енергетската криза. По обраќањата се поделија и благодарници. Вработените во РЕК пак најголемиот енергетски објект, освен што раскажаа со какви се предизвици се соочувале ги потсетија надлежните дека треба да пораснат и нивните плати.
Ирена Чачкова