Домашното производство во македонските оранжерии и на нивите ја намали цената на крставиците и кромидот. Земјоделците велат дека од оваа недела очекуваат цените дополнително да паѓаат, бидејќи ќе се зголемува понудата.
Цената на краставиците и на кромидот се намалени, па на пазарите се продаваат од 60 до 70 денари, додека цената на доматот останува висока, од 100 до 120 денари за килограми и за овој зеленчук не се почитува одлуката за замрзната цена која треба да изнесува 95 денари.
Но, според економистите ако одлуките се носат на краток рок ќе дадат некој минимален ефект, но долгорочно не може да бидат позитивни. Тие велат дека за разлика од претходно кога имало македонско производство, сега станува збор за голем процент на производи кои се увезуваат, што дополнително влијае врз формирањето на цените.