Државните електрани со нови набавки на струја. За периодот од 12 април до денеска за набавка на електирчна енергија компанијата ќе потроши над 1,3 милиони евра.
Струјата се набавува од три компании, но овој пат во извештајот има промена во имињата на фирмите кои ќе ја испорачаат. На листата се најде и фирмата РЕС на познатиот бизнисмен и поранешен вицепремиер Кочо Анѓушев.
Од оваа фирма ЕСМ набавува 1.680 мегават часови по цена од 114 евра за мегават час. Вкупно РЕС од оваа испорака ќе заработи над 190.000 евра.
Останатите потребни количини ги обезбедува и фирмата „Соле 24“ и од ЕТМТ, компанија која и во изминатиот период беше една меѓу главните од каде ЕСМ набавуваше струја за целосно да ги задоволи потребите.
Од „Соле 24“ се купуваат 4.200 мегават часови по цена од 109 евра за мегават, а од ЕТМТ се набавуваат најмногу количини – 5,880 мегават часови. Електричната енергија од оваа компанија чини најмногу, 118 евра за мегават.