Со субвенции од Владата, германската авиокоманија „Луфтханза“ ќе воведе една нова авиолинија – од Скопје до Франкфурт, а „Виз Ер“ четири, – од Скопје до Луксембург, Штутград, Салцубург и до Љубљана. Финансиската поддршка ќе биде 7 евра по патник во заминување превезен од Меѓународен аеродром Скопје…
Договорите со авиокомпаниите ќе биде на три години, за што од буџетот се предвидени 5 милиони евра. Компаниите ќе мора овие линии да ги одржуваат три години од денот на склучување на договорот во спротивно ќе мора да ги вратат парите кои ги добиле како субвенции информираше Министерот за транспорт и врски Благоја Бочварски. Тој потенцираше дека се воведени нови дестинации за кои имало голем интерс од граѓаните. Додава дека во буџетот има дополнителни средства да се објави нов повик кон крајот на годината со цел да се привлечат заинтересирани компании и за нови дестинации.