Италијанецот Лоренцо Мусети го направи најголемото изненадување во досегашниот тек од турнирот од Мастерс серијата што се одржува во Монте Калор.
Тој во три сета во меч што траеше скоро три часа со 4:6, 7:5 и 6:4 го елиминираше светскиот рекет број 1, Новак Ѓоковиќ.
Настапот во Монте Карло заврши и за фаворитот број 4, Каспер Руд по поразот од Јан Ленард Штруф кој место на турнирот обезбеди преку квалификациите.
Вториот носител Стефанос Циципас беше поуспешен од Николас Хари од Чиле совладувајќи го со 6:3 и 6:3, а Русинит, Андреј Рубљов триумфираше во соочувањето со сонародникот Карен Хачанов.
Пласман во четвртфиналето обезбедија уште Холгер Руне по победата над Матео Беретини, Јаник Синер по елиминацијата на Хуберт Куркач и Тејлор Фриц кој славеше во мечот против Јиржи Лехечка.
ФОТО: Игор Паневски