Познати се четвртфиналните двојки на ВТА турнирот што се одржува во Чарлстон.
Најголемото изненадување го направи Ана Калинскаја која во два сета со 6:4 и 7:6 триумфираше над шестата носителка Викторија Азаренка.
Фаворитката број 1, Џесика Пегула по голема борба со 2:1 по сетови 7:5, 4:6 и 6:4 славеше во соочувањето со Ирина Бегу, а второ рангираната Онс Жабер успеа да ја елиминира домашната тенисерка Каролин Долехајд.
Медисон Кис забележа победа во соочувањето со Магда Линет, Белинда Бенчиќ беше поуспешна од Шелби Роџерс, а настапот во Чарлстон го продолжуваат уште Паула Бадоса, Екатерина Александрова и Дарија Касаткина.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.