Петра Квитова го освои мастерс тенискиот турнир во Мајами откако синоќа во големото финале ја совлада Елена Рибакина. Машкото финале се игра вечерва од 19 часот, а се среќаваат Јаник Синер и Данил Медведев.
Квитова успеа да ја прекине победничката низа на Рибакина од 13 мечеви по ред со триумф во два сета. Првиот траеше повеќе од еден час, а тенисерката од Чешка славеше во драматичен тајбрејк со 16-14. Во вториoт сет беше далеку поубедлива и со 6-2 ја освои својата 30-та титула во кариерата, а деветта на мастерс турнирите. Интересно е тоа што цел турнир таа загуби само еден сет.
Благодарение на триумфот во Мајами, Квитова од утре ќе се врати помеѓу најдобрите 10 тенисерки на ВТА ранг-листата за прв пат по септември 2021 година.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.