Карлос Алкараз и Елена Рибакина се победници на првиот турнир од Мастерс серијата што се одржа во Индијан Велс.
Шпанскиот тенисер во финалето со 6:3 и 6:2 го совлада Данил Медведев и повторно се врати на лидерската позиција на АТП листата.
За Алкараз ова е осма титула во кариерата и до трофејот стигна без загубен сет со што го повтори подвигот на Роџер Федерер од 2017 година.
За Медведев ова беше 31-во финале во кариерата, но остана на 13. титула, а воедно беше прекината неговата триумфална низа во 2023 година.
Кај дамите славеше Елена Рибакина од Казахстан која во финалето беше поуспешна од Белорусинката совладувајќи ја со 7:6 и 6:4.
Рибакина во репризата од финалето во Мелбурн се реваншираше за поразот и стигна до четвртиот трофеј во кариерата.
За Сабаленка ова е само втор пораз во 19 настапи во досегашниот тек од сезоната и не успеа да стигне 13-от ВТА триумф во кариерата.
ФОТО: Игор Паневски