Цените на нафтата денеска паднаа на меѓународните пазари до 72 долари, под притисок од стравувањата дека ризиците во глобалниот банкарски сектор и потенцијалниот пораст на каматните стапки во САД би можеле да предизвикаат рецесија што ќе ја намали побарувачката.
На лондонскиот пазар цената на барелот за испорака околу пладне беше за 87 центи пониска во однос на затворањето на тргувањето на крајот на минатата недела и изнесуваше 72,10 долари. Минатиот петок го затвори тргувањето со загуба од 1,73 долари.
Само пред две недели цента на барел на лондонската берза беше над 86 долари што значи дека падот за 14 дена е повеќе од 16%.
На американскиот пазар барелот со датуми на испорака во април денеска се тргуваше за 85 центи пониско, на 65,89 долари. Минатиот петок ја затвори трговијата во минус од 1,61 долар. Денеска поактивно се тргуваа со барели со датум на испорака во мај, чија цена се лизна на 66,11 долари.
Централните банки успеаја да го смират најлошото од стравот, а нафтата привремено врати дел од загубите. Но, и покрај тоа, акциите и обврзниците на банките денеска повторно ослабеа, што сигнализираше дека довербата на инвеститорите се уште не е вратена.
Дизелот поевтинува за 1,5 денари, бензинот за половина денар