Елена Рибакина и Ирина Сабаленка ќе се борат за трофејот на турнирот во Индијан Велс.
Тенисерката од Казахстан сосема неочекувано за само 76 минути во два сета со 6:2 и 6:2 триумфираше над првата носителка и бранителка на трофејот Ига Својнтек.
За Рибакина ова е втора последователна победа во вкупно три соочувања со светскиот рекет број 1 кај дамите.
Противничка во финалето ќе и биде 24-годишната Белорусинка, Ирина Сабаленка која во меч што траеше еден час и 22 минути забележа победа над Марија Сакари со 6:2 и 6:3.
За Рибакина ова е 12-то финале во кариерата, а воедно и шанса да и се реваншира на Сабаленка за поразот на првиот Гренд слем во сезоната што се одржа во Мелбурн и да обид да стигне до четвртиот ВТА трофеј.
Сабаленка по 21 пат во кариерата ќе игра во едно финале и доколку триумфира за неа ова ќе биде 13-та турнирска победа.
Тенисерката од Белорусија во досегашниот тек од сезоната има освоено два турнири и на 18 меча забележала 17 победи.
ФОТО: Игор Паневски