Сериозниот скок на доларот во однос на еврото значително ќе го поскапи и домашното задолжување. Вредноста на европската валута е на рекордно најниско ниво во последните две дециии, а доларот го достигна врвот. Домашните екперти велат дека ваквата состојба со двете валути е добра за домашните извозници, лоша за увозниците, но ќе повлече и поскапување на парите на меѓународните пазари, од каде се очекува македонската влада да црпи средства за покривање на тековните обврски и буџетскиот дефицит.
Мораме да бидеме свесни дека во фокусот не е само трговскиот баланс на земјава, туку дека Македонија ќе мора да го покрива и буџетскиот дефицит и долговите со задолжување, и тука ќе има проблем во тој дел, односно проблем да се обезбедат средства за буџетските потреби, а позитивно ќе делува на извозниците, вели за Телма Зоран Ивановски, финансиски аналитичар.
Ивановски не очекува падот на еврото да предизвика проблеми кај штедните влогови на граѓаните во оваа валута.
За штедните влогови не гледам причина за конверзија, еврото е стабилна валута, штедните влогови се стабилни, но оној кој сака да заработи можеби ќе се одлучи да штеди во долари. Јас би препорачал секој да иневстира, околку колку што може да дозволи да загуби. И оваа промена на курсот се рефлектира и на девизните пазари и оние кои сега тоа го прават не мора да значи дека во идина ќе заработат, затоа што е многу тешко да се предвиди како ќе се движат валутите, особено еврото и на доларот, додава Ивановски.
Падот на еврото се должи на последната објава на Русија за мобилизација. Растот пак на доларот освен на оваа, влијае и на останатите валути.
Ирена Чачкова