Сопственикот на Адора Инжењеринг Чифлиганец е оптимист дека деновиве ќе се договорат со ЕСМ за топланите Исток и Запад. Ванчо Чифлиганец ги купи овие две топлани од Топлификација уште во септемрви 2021 година по цена од 9, 26 милиони евра. Но сега е неопходно ЕСМ да склучи со Адора или догоор за закуп или за сопственост на овие два објекти за да може да ја добие и третата лиценца, за производство на топлинска енергија за да може да набавува гас и да произведува.
- Адора инженеринг пред 13 месеци на јавна транспарентна лицитација ги купи Топланите Исток и Запад за 9,26 милиони евра со сите даноци и за оваа година претрпе огромни штети, бидејќи иако Адора инженеринг стана сопственик на Топланите, нема добиено ниту владение врз купениот имот од страна на Топлификација АД во стечај и БЕГ, ниту има наплатено надомест за нивното користење. Се очекува деновиве двете страни да постигнат согласност за најавената купопродажба на Топланите Исток и Запад. Адора инженеринг е согласна да го продаде имотот по истата цена по која го купила и секако очекува да и бидат исплатени досегашните побарувања за користење и амортизација на имотот што законски следувааат, се вели во дописот од компанијата.
Во моментов ЕСМ ги има лиценците за снабдување и дистрибуција, а откако ќе падне договор со АДОРА, ќе биде објавен нов оглас за добивање на лиценцата за производство на топлинска енергија.
Грејната сезона почнува на 15 октомври , најрано пак парното може да се вклучи на 1 октомрви, ако температурите се ниски. Сепак, се уште нема одговор од властите, од каде и кога ќе се набават потребните количини на гас.
Нема се уште ниту информација дали ТЕТО ќе се согласи да покрива 70 проценти од потребите на топлинска енергија и дали ќе работи 24 часа и ќе генерира струја.
ЕСМ се согласи да го преземе парното греење, откако БЕГ ги загуби трите лиценци. За да може да ја врши работата на Балкан Енерџи , државните електрани формираа и три компании, за снабдување, дистибуција и произвдоство. Во моментов се врши екипирање на фирмите. Според информациите од 300 те вработени во БЕГ , ЕСМ ќе ангажира околу 130 лица. А вкупната бројка на вработнеите во трите претпријатија на електрани ќе биде 310 работници. Најголем дел ќе бидат ангажирани во ЕСМ дистрибуција.
Ирена Чачкова