Телефонски разговори на оперативно ниво. Ова е начинот на кој се преговара соработката и поддршката од ТЕ-ТО во претстојниот период. Струјата на ТЕ-ТО е клучна според Владата и ќе биде потребна за индустријата. Од компанијата се на став, немаме ниту потреба ниту обврска да работиме постојано. ТЕ-ТО има гас за до крајот на овој месец, додека директорот на ЕСМ Ковачевски тврди дека залихите се за еден месец повеќе. Доколку се постигне договор, обврската за набaвка на гас треба да ја превземе државата.
Една консултациона средба досега и телефонски разговори во кои не се вклучени лицата кои треба да го стават својот потпис на евентуален договор е начинот на кој во моментов преставниците на Владата и ЕСМ преговараат со ТЕ-ТО да се стави во погон и да биде поддршка во производството на струја за индустриските капацитети во претстојниот период. ТЕ-ТО кој од Владата во неколку наврати го посочија како една од двете клучни алки за амртизација на ценовиот шок и недостатокот на струја е стратешки, но приватен, капациет кој освен струја е клучен и за производството на топлинска енергија и парно греењето во Скопје.
Од Владата се децидни дека договор ќе има до крајот на месецов и ТЕ-ТО како и минатата година ќе ја стави електричната енергија која ја произведува, по разумна цена, на располагање на државата.
Од комапнијата остануваат на ставот дека немаат обврска да работата постојано.
– ТЕ-ТО е независен субјект на отворениот пазар на енергија и своите продукти електричната енергија и топлината ги нуди по економски основани цени со цел да оствари добивка како и секоја друга компанија во државата за да ги подмири своите трошоци и финансиски обврски. – ТЕ-ТО нема обврска да работи постојано, велат од компанијата.
Гасот е неопходниот енергенс за работа на ТЕ-ТО.
– ТЕ-ТО има набавено гас до крајот на септември 2022 и води преговори со повеќе добавувачи за набавка на гас за октомври 2022, додаваат од таму.
Сепак Ковачевски е дециден, доколку се постигне договор, државата ќе го набави гасот и ако успее по пониска цена од пазарната.
Она што е јасно е дека надлежните ќе мора да понудат далеку подобра цена од 170те и 190те евра за мегават час кои ТЕ-ТО ги добиваше во првиот квартал од годината и генерираше 37 милиони евра загуба за да ја добијат нивната поддршка.
Огнен Чамчаревиќ