Енергетската криза во Македонија и огромните проблеми со кои се соочува државата во поглед на снабдувањето со енергенси, очигледно не влијаат негативно врз смислата за хумор на министерот за економија, Крешник Бектеши, кој и во овој сериозен миг одлучи „шеговито“ да одговори на новинарското прашање дали ќе има гас и навреме ќе почне грејната сезона
„Имаме една понуда за гас, да закупиме капацитети во Унгарија и Австрија. Тие што ја даваат оваа препорака и понуда, утре тука сме ние и преку викенд можеме да работиме, веднаш ќе закупиме, само да ни кажат како ќе го донесат во Северна Македонија. Ако природниот гас може со авион да се носи во Северна Македонија, тогаш ние сме подготвени. И тоа ќе бидеме голема иновативност што ќе му ја продадеме на светот“ – одговори Бектеши