Шарл Леклер славеше на трката за Големата награда на Австрија што денеска се возеше во Формула 1 шампионатот.
Возачот на Ферари до третата сезонска победа дојде пред својот голем ривал за титулата Макс Ферстапен. Актуелниот светски шампион и натаму има удобна предност од 38 бодови на врвот во генералниот пласман. На подиумот имаше место и за Луис Хамилтон од Мерцедес, кој го искористи фактот дека Карлос Сајнц Јуниор ја заврши трката на 16 круга пред крајот, кога се запали неговиот болид.
Четврти беше Џорџ Расел, потоа следуваат Естебан Окон, Мик Шумахер, Ландо Норис, Кевин Магнусен, Даниел Рикардо и Фернандо Алонсо.
Во генералниот пласман Ферстапен има 208 бодови, Леклер е втор со 170, Серхио Перез има 151, а Карлос Сајнц133 бодови.
За две недели се вози трката за Големата награда на Франција на патеката „Пол Рикард“.