Селекторот на македонската кошаркарска репрезентација Драган Бајиќ го објави списокот на играчи кои ќе бидат во конкуренција за последните два дуели од овој циклус на квалификации за Светското првенство.
Како и на претходните соочувања предводникот на националниот тим повторно има проблеми со составувањето на тимот и за соочувањата со Шпанија и Украина тој не може да смета на Ненад Димитриевиќ, Џејкоб Вајли, Андреј Магдевски, Дамјан Стојановски и Бобан Стајиќ.
Меѓу 14-те повикани кошаркари се Рубин Стефанов и Андреј Јакимовски.
Собирот е закажан за 25 јуни во А1 арената Борис Трајковски, првиот меч со Шпанија го играме на 1 јули, а три дена подоцна во Скопје гостува Украина.
СПИСОК НА КОШАРКАРИ
Војдан Стојановски – МЗТ Скопје Аеродром
Бојан Крстевски – МЗТ Скопје Аеродром
Адем Мекиќ – МЗТ Скопје Аеродром
Кристијан Николов – МЗТ Скопје Аеродром
Дамјан Робев – МЗТ Скопје Аеродром
Стојан Ѓуроски – Пелистер
Андреј Маслинко – ТФТ
Страхил Николов – ТФТ
Виктор Ташовски – ТФТ
Виктор Ефремовски – Гостивар
Валмир Какруки – Работнички
Теодор Симиќ – Барселона-Шпанија
Андреј Јакимовски – Вашингтон Стејт (НЦАА-САД)
Рубин Стефанов – Италија
ФОТО: Игор Паневски