Познат е распоредот на натпреварите кои македонската машка ракометна репрезентација ќе ги одигра на Медитеранските игри што ќе се одржат во Алжир.
На стартот на 28 овој месец ќе се соочиме со Грција, а почетокот на натпреварот е закажан за 20 часот. Следниот ден во терминот од 18 часот противник ни е домаќинот Алжир.
На 30 јуни ќе се соочиме со директниот конкурент за првата позиција во групата, селекцијата на Шпанија, додека во последното коло играме против Турција.
Пласман во полуфиналето обезбедуваат двете првопласирани селекции од двете групи, а во втората конкуренција ќе настапат репрезентациите на Словенија, Тунис, Србија, Италија и Египет.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.