Серхио Перез откако минатиот викенд славеше на трката за Големата награда на Монако во Формула 1 шампионатот денеска потпиша нов договор со Ред Бул.
Мексиканецот ја продолжува соработката со австрискиот тим на дополнителни две сезони, односно до завршувањето на 2024 година.
Перез лани му се приклучи на Ред Бул и импресионираше во својата прва сезона во која беше еден од главните ликови при освојувањето на титулата на неговиот тимски колега Макс Ферстапен. Заврши како четврти во генералниот пласман што е негово најдобро остварување во кариерата.
„Горд сум што сум дел од овој тим и тука се чувствувам како дома. Работиме добро со Макс и мојот однос со него на патеката и надвор од неа е одличен и ни помага на двајцата да одиме напред уште повеќе“, рече Перез.
Цели 11 сезони е дел од Формула 1, а во кариерата возеше во болидите на Заубер, Мекларен, Форс Индија, Рејсинг Поинт и сега Ред Бул.