Актуелниот светски шампион во Формула 1, Макс Ферстапен потпишал нов двегодишен договор со тимот на Ред Бул. Тој ќе биде рамо до рамо со неговиот голем ривал Луис Хамилтон, како двајцата најплатени возачи во историјата на Ф1, бидејќи според новиот договор би заработувал 50 милиони евра годишна плата.
Сегашниот договор на Холанѓанецот истекува по завршувањето на сезоната 2023 година.
Ферстапен ја почна кариерата во вториот тим на Ред Бул, Торо Росо во 2015 година, кога имаше само 17 години. Од 2016 година седна во болидот на Ред Бул и досега оствари 20 победи во Ф1.