Макс Ферстепен е нов светски шампион во Формула 1 откако денеска триумфираше пред лутиот ривал Луис Хамилтон на драматичната трка за Големата награда на Абу Даби буквално во последниот круг.
Ферстапен дојде до својата прва шампионска титула и го остави Хамилтон израмнет со Михаел Шумахер на седум наслови. Во последната трка двајцата возачи влегоа со ист број на бодови, па со денешната победа Ферстапен го освои првото место во генералниот пласман.
Трката почна и заврши драматично. Хамилтон на стартот го презема водството од ривалот, но потоа Ферстапен за момент ја врати првата позиција по само неколку свиоци. Двајцата имаа конктакт по кој Хамилтон излета и ја скрати патеката, но остана лидер. Немаше казна за Британецот, кој потоа убедливо водеше се до осум круга пред крајот.
Тогаш, Никола Лјатифи излета и се удри во заштитната ограда, по што мораше да влезе безбедносното возило. Ферстапен ја искористи шансата да смени нови пневматици, а Хамилтон остана на патеката со старите. Безбедносното возило се повлече од патеката буквално во последниот круг, а тогаш Ферстапен веднаш го престигна лутиот ривал и да победи за шампионска титула.
A dream come true for @Max33Verstappen as he crosses the line in Abu Dhabi 👀
And becomes F1 World Champion for the first time! 👑 🏆#AbuDhabiGP 🇦🇪 #F1 pic.twitter.com/DIF51TL6Sk
— Formula 1 (@F1) December 12, 2021
Карлос Сајнц јуниор го освои третото место на победничкиот подиум. За Мерцедес остана утешната награда, односно осмата шампионска титула по ред кај конструкторите.
Веднаш по завршување на трката, Мерцедес испрати официјална жалба до ФИА за резултатите на Големата награда на Абу Даби. Германскиот тим се жали по две основи и прекршување на правилата за тркање.
BREAKING: Mercedes have protested “against the classification established at the end of the Competition”, relating to alleged breaches of Articles 48.8 and 48.12 of the FIA Sporting Regulations#AbuDhabiGP 🇦🇪 #F1 pic.twitter.com/bO6BLN8lv5
— Formula 1 (@F1) December 12, 2021
Првиот проблем на Мерцедес е кога на патеката се појави безбедносното возило. Тогаш директорот на трката Мајкл Маси одлучи дека заостанатите болиди не смеат да го претекнуваат безбедносното возило, што значеше дека пред возачот на Ред Бул ќе има густ сообраќај. Потоа Маси ја преиначи својата одлука и им дозволи на петте болиди помеѓу двата ривали да го претекнат возилото, па Ферстапен испадна веднаш зад Хамилтон. Вториот протест на Мерцедес е дека Ферстапен почнал да се доближува до Хамилтон пред официјално да почне тркањето, односно да биде дадено зелено светло.
Од таборот на германскиот тим соопштија дека нема да коментираат дополнително додека не започне сослушувањето.