Водечкиот во генералниот пласман Макс Фестапен ја освои пол позицијата пред денешната трка за Големата награда на САД што ќе се вози во Остин.
Холанѓанецот до деветтата пол позиција сезонава стигна со 209 илјадити дела од секундата подобар резултат од Луис Хамилтон додека третото место му припадна на неговиот тимски колега Серхио Перез. Вечерашната трка од вториот ред ќе ја почне Валтери Ботас кој квалификациите ги заврши како четврти.
Од третиот ред ќе стартуваат Шарл Леклерк и Карлос Саинз додека зад нив е двоецот на МекЛарен, Даниел Рикиардо и Ландо Норис.
Меѓу десетте најдобри квалификациите ги завршија Пјер Гасли и Јуки Цунода. Стартот на трката од формула 1 шампионатот е закажан за 21 часот.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.