Никој не инвестирал во ТИРЗ зоните во Берово, Делчево, Гевгелија, Виница, Ранковце, Радовиш и во третата зона во Скопје… Иако парцелите во скопскиот регион се 10 пати поскапи од тие во внатрешноста, а се добиваат и дополнителни поволности, странските инвеститори се одлучуваат за нив, поради близината на главниот град, аеродромот и автопатот. Дополнителен проблем сега веќе е и недостигот од работна сила, поради масовното иселување од помалите места, што, пак, е предизвикано од немањето инвестиции. Директорот на ТИРЗ решението го гледа во промената во размислувањето.
Според анализите, тие кои инвестираат овде, поминале добро, оттаму и Македонија повеќе нема да се нуди како дестинација со евтина работна сила, туку како можност за заработка.
Од почетокот на годинава, нема компанија која заминала од ТИРЗ, но се раскинати неколку договори за закуп на земјиште кои воопшто не беа почнати со инвестицијата. Деспотовски кој најави три нови странски инвестиции во зоните во Скопје, Штип и Кичево, убедува дека економијата ги надмина последиците од кризата и влегува во зона на пораст.
Далиборка Демјанска