Премиерот Зоран Заев и министрите за внатрешни работи и за правда Оливер Спасовски и Бојан Маричиќ денеска во Собранието ќе се сретнат со координаторот на пратеничката група на Алијанса на Албанците и Алтернатива Скендер Реџепи и заменик координаторот на пратеничката група за да разговараат за законот за државјанство.
Координаторот на пратеничката група Реџепи изјави дека тие ќе се обидат да направат компромис, но оти нема да отстапат од интересите на засегнатите граѓани.
Преиерот Заев ја најави оваа средба во Собранието по разговорите со лидерот на ВМРО-ДПМНЕ Христијан Мицковски, а целта е деблокада на Парламентот.
Пратениците од Алијанса на Албанците и Алтернатива имаат поднесено преку 32.000 амандмани на околу 20 закони, меѓу нив и околу 400 за одлуката за продолжување на кризната состојба на јужната и на северната граница, поради тоа што ВМРО-ДПМНЕ и Левица го блокираа нивниот закон за државјанство, а владејачкото мнозинство не го поднеса предлогот што го најави.
