Четворицата пациенти кои се во Ковид центарот на клиниката за уво, нос и грло денеска ќе бидат преместени а центарот затворен со што интерната клиника се враќа во нормална функција. Ова е втора интерна клиника во која Ковид центарот се затвара по очната каде од вчера веќе нема хоспитализирани пациенти заболени од коронавирус.
Здравстевните власти најавуваат дека доколку трендот на намалување на бројките на лицата кои треба да се хоспитализираат се задржи Ковид центрите на интерните клиники ќе продолжат да се затвараат за да се овозможи нивно непречено функционирање а пациентите заболени од коронавирус ќе бидат префрлени во модуларната болница која повторно би се ставила во функција. Следна е Клиниката за неврологија.
Изградбата на модуларните болници во вантрешноста на државата ќе продолжи бидејќи тие може да се користат и како инфентивни одделенија и како ургентни центри.
Според Филипче, опаѓањето на бропјките се должи пред се на рестриктивните мерки бидејќи засега нема никакви докази дека вирусот ослабел. До крајот на неделата треба да бидат готовби и анализите во лабораторијата на МАНУ кои треба да потврдат дали има евентална мутација на вирусот и во Македонија.
Според официјалните податоци на министерството за здравство, во моментов на Инфективната клиника, во Градската болница и на интерните клиники се хоспитализирани 283 пациенти а има 163 слободни кревети од кои 75 се токму на интерните клиники.
Во последните 24 часа хоспитализирани се 22 нови пациенти а деветмина се пуштени дома.
Огнен Чанчаревиќ