84 годишна жена којашто била физички и психички малтретирана од својот внук е најстарата жртва на семејно насилство којашто била сместена во Шелтер центар во Струмица. Жената престојувала одреден период во текот на летото, велат од организацијата Скај плус којашто раководи со шелтерот. Најмладата жртва згрижена во овој центар било 18 месечно бебе со својата мајка. Бројот на жртви особено е зголемен во време на пандемијата.
Општина Струмица синоќа го обои споменикот на градскиот плоштад „Жена под маска“ во портокалово и порача дека маската на насилството мора да се симне.
Според статистиките на СВР пандемијата ги зголеми пријавите за семејно насилство во време на корона-кризата. Струмица псоледниве месеци е едне од најпогодените градови од ковид-19 со голем број инфицирани но и починати лица.
Сузана Мицева