Металург се пласираше во групната фаза во Европската лига и покрај минималниот пораз од 21-22 на реваншот против Кринс во Швајцарија во рамки на второто квалфикациско коло. Скопскиот тим ќе му се приклучи на Еурофарм Пелистер во второто по ранг клупско натпреварување на ЕХФ, а во четврток двата наши тима ќе ги добијат противниците во групната фаза.
„Металурзите“ запишаа среќен пораз од 22-21 против Кринс, но победата од 26-24 во Скопје им гарантираше пласман во групната фаза од Европската лига. Се играше крајно изедначен и неизвесен реванш, во кој Швајцарците најчесто водеа од еден до три голови разлика. На паузата беше 12-11, но Металург се покажа како многу позрел тим во финишот, кога одигра фантастична одбрана, а тука беше и голманот Даниел Дупјачанец со неколку одлични интервенции да ги откаже сите надежи на Кринс за пласман понатаму.
Голманот на Металург го заврши натпреварот со 12 интервенции, Бранко Канкараш беше најефикасен во нападот со пет голови, по четири имаа Марко Тарабокија и Златко Хорват.
Филип Гаврановиќ со шест голови најмногу се истакна кај Кринс.