Нефи Усеини, советникот во општина Охрид од редовите на ДУИ, започна да ја руши бетонската база која ја имаше поставено без одобрение на охридското крајбрежје. Усеини за Телма вели дека веќе една година чувствувал голем товар бидејќи непотребно бил обвинуван дека е главен виновник за тоа што постоеше опасност Охридскиот регион да го изгуби статустот на УНЕСКО.
Од општина Охрид и градоначалникот Георгиевски – барам да се изнајде решение и конечно да се излезе во пресрет на нашето и барањето на останатите бетонски бази кои се нелегално поставени и без соодветна документација и одобренија за обезбедување на соодветни локации каде ќе може да проодолжиме да ја извршуваме оваа дејност, вели за Телма Усеини.
Парцелата на која е изградена базата е во сопственост на Исламската верска заедница, која ја добила преку процесот за денационализација во периодот од 2013 до 2014 година.
Во Охрид изминатите денови се рушеа неколку дивоизградени објекти како последен обид градот да го задржо статусот во УНЕСКО.