Лионел Меси ги стопирал преговорите со Барселона за продолжување на договорот што му истекува на 30 јуни 2021 година.
Аргентинецот е разочаран од челниците на клубот и нивното раководење. Проблемите помеѓу Барселона и Меси започнаа уште во јануари, кога беше отпуштен тренерот Ернесто Валверде, а капитенот влезе во отворена војна со спортскиот директор Ерик Абидал, кој ги критикуваше фудбалерите за лошите резултати.
Работите не се подобрија ниту со Кике Сетиен на клупата, па откако Барселона го загуби водството на табелата во Ла Лига, шпанските медиуми шпекулираат дека Меси и останатите постари играчи во тимот не се задоволни од стручниот штаб. Тука е и трансферот на Артур во Јувентус, кој предизвикал дополнителна нервоза во соблекувалната.
Сите овие работи покажуваат дека идната сезона можеби ќе му биде последна на Меси во дресот на Барселона, клуб во кој игра од своите 14 години.