Европската комисија објави нов твит кој веќе не ја содржи придавката „северномакедонски“ ниту пред функцијата на на претседателот Пендаровски, ниту пред собранието.
Содржината на новиот твит е следна: „Претседателката на Европската Комисија Урсула фон дел Лајен, утре во Скопје ќе се сретне со претседателот на Северна Македонија Стево Пендаровски и премиерот Димитар Ковачевски. Фон дел Лајен во 13 часот ќе има обраќање во парламентот на Северна Македонија“, стои во твитот објавен од Европската комисија.
Од Брисел, нема одговор, од Мисијата на ЕУ во Скопје со објаснување: „беше ненамерна грешка, која сега е поправена“. Но, нема извинување, иако неофицијални извори велат, се надеваат дека оваа грешка нема да фрли сенка на утрешната посета на Фон Дер Лајен на Скопје.
Од македонското МНР, кратко сооопштија: „Министерството за надворешни работи, како и секогаш, реагираше веднаш штом забележа дека е употребена несоодветна придавка. Добивме уверување дека е направена ненамерна грешка, по што објавата беше веднаш избришана.“
Инаку, Твитер налогот на Европската Комисија, има 1,7 милиони следбеници. На интеренет страницата на Европската Комисија, пак, македонските институции беа соодветно именувани.