Пред фудбалското дерби помеѓу Шкендија и Шкуши денеска се случи инцидент, откако навивачи на домашниот тим ги нападнаа гостите од Скопје пред влезот на „Градскиот стадион“ во Тетово.
Новиот шампион на Македонија беше жестоко дочекан од фановите на „црвено-црните“. При излегувањето од автобусот пред влезот за соблекувалната се случи голема мешаница, кога играчите и стручниот штаб на чаирчани беа нападнати. Кон нив беше фрлен факел, а еден фудбалер на Шкупи лежеше на земја и се пожали на повреда. Информациите се дека за среќа нема некои посериозни повреди, а дербито се одигра без проблем.
На навивачите на Шкупи не им беше дозволено да го следат натпреварот во Тетово, па фамозните „Шверцери“ беа запрени од полицијата пред влезот во градот под Шара.