Народната банка ја зголеми каматната стапка на благајничките записи за 0,25 процентни поени од сегашните 1,25 и сега таа ќе изнесува 1,5 проценти. Реакцијата доаѓа како одговор на растечките инфлациски очекувања – соопшти централната банка. Износот на понудата на благајнички записи на денешната аукција е непроменет, и изнесува 10 милијарди денари.
Од народната банка соопштија дека внимателно ги следат состојбите поради неизвесноста и ризиците од ескалацијата на геополитичките тензии и од нивните ефекти, пред сѐ, врз глобалниот раст на цените, но и врз трговските текови и побарувачката, при се уште неизвесен тек на пандемијата.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.