Вечерва ќе се одигра еден од можните два дуели меѓу Портланд и Мемфис по кои ќе бидат познати сите учесници во разигрувањето за титулата во НБА лигата.
За влез меѓу осумте најдобри на Портланд му е потребна само една победа и доколку вечерва во мечот кој почнува во 20 часот и 30 минути вториот дуел предвиден за утре нема да се игра. За пласман во разигрувањето на Мемфис му се потребни два триумфи.
Од понеделник во Орландо почнува битката за шампионскиот трофеј во НБА лигата. Поуспешниот од соочувањата меѓу Портланд и Мемфис ќе се сретне со Лос Анџелес Лејкерс, а во првата рунда на Западот играат уште Хјустон – Оклахома, Лос Анџелес Клиперс – Далас и Денвер – Јута.
Додека во Источната конференција во првото коло се среќаваат Милвоки – Орландо, Мајами – Индијана, Торонто – Бруклин и Бостон – Филаделфија.
