Новиот селектор на репрезентацијата на Германија, Ханс Дитер Флик има одличен старт од преземањето на националниот тим и во првите четири средби има исто толку победи. Тој очекува тешко гостување во Скопје, но верува во својот тим и смета дека играчите прво не треба да потклекнат на одличната атмосфера која ја создаваат македонските навивачи.
“Македонија е тим која игра добар фудбал. Тоа е тим кој се уште не е поразен под водство на новиот селектор, а нивната самодоверба е на високо ниво благодарение на победата во првиот натпревар. Но, ние имаме наш стил на игра и мораме да се држиме до него бидејќи тоа е единствениот начин да дојдеме до победа. Атмосферата во Скопје е одлична и ние мораме да биде подготвени на тоа. Јасно е дека поразот во Дуизбург ни прави голем притисок, но ние мораме да победиме ако сакаме да се пласираме на Светското првенство. Овој тим има квалитет, верувам во моите фудбалери и мислам дека можеме да ја исполниме нашата цел”, изјави германскиот селектор Флик пред заминувањето за Скопје.
ФОТО. Игор Паневски