Разочарувачкиот настап на Уругвај на Светското првенство 2026 година доби и необичен епилог. Фудбалската федерација на Уругвај го откажала чартер-летот со кој репрезентацијата требало да се врати дома по елиминацијата од Мундијалот.
Националниот тим требало организирано да патува од својата база во Плаја дел Кармен, Мексико, до главниот град Монтевидео, но летот бил откажан по неуспехот во групната фаза. Поради тоа, фудбалерите и членовите на стручниот штаб морале индивидуално да бараат комерцијални летови за враќање.
Уругвај имаше статус на фаворит за пласман во нокаут-фазата, но турнирот го заврши без ниту една победа. Селекцијата на Марсело Биелса најпрво ремизираше со Саудиска Арабија, потоа одигра нерешено и со дебитантот Зеленортски Острови, а во последното коло загуби од Шпанија со 1-0.