Европската Унија (ЕУ) утре ќе ја усвои првата сеопфатна Стратегија против сиромаштија, со цел системско намалување и долгорочно искоренување на сиромаштијата во блокот. Во процесот се вклучени Европската комисија и Европската мрежа против сиромаштијата, заедно со организации и лица со директно искуство со сиромаштија.
Од Европската мрежа против сиромаштија се апелира новата стратегија да ги опфати и земјите кандидати за членство во ЕУ, меѓу кои и Македонија, со цел да не се продлабочува социјалниот јаз. Според нив, исклучувањето на кандидатите би значело поголеми нееднаквости, додека нивното вклучување би овозможило пристап до поддршка, праведност и поефикасни социјални политики.
За Македонија, стратегијата би можела да има директно значење преку пристап до европски фондови, како и преку развој на усогласени национални социјални политики. Во спротивно, земјата ризикува дополнително заостанување во борбата против сиромаштијата.