Белата куќа порача дека Иран би бил „многу мудар“ доколку постигне договор со САД, додека претседателот Доналд Трамп разгледува можни нови воени опции против Техеран.
Портпаролката Каролин Левит изјави дека Трамп сè уште се надева на дипломатско решение за иранската нуклеарна програма, но нагласи дека постојат „многу причини“ за евентуален напад.
Американските медиуми јавуваат дека Трамп разговарал со советници за можни удари, кои би можеле да се случат веќе викендов, иако конечна одлука сè уште нема.
Тензиите растат и покрај извештаите за напредок во разговорите меѓу САД и Иран во Женева.
Врховниот лидер Ајатолах Али Хамнеи предупреди дека американските закани нема да ја одредат судбината на преговорите, додека иранската Револуционерна гарда одржа воени вежби во Ормутскиот Теснец – клучна рута за глобалниот извоз на нафта.