Агенцијата за храна и ветеринарство минатата недела спроведе вонредна контрола кај оператор со храна, при што заплени и уништи околу 37 тони производи – јаткасти плодови, зрнести и мешункасти култури, како и разни зачини, без декларации и со истечен рок на употреба од една до две години.
На операторот му е изречена временa забрана за работа, парична казна и наредба за отстранување на утврдените неправилности.
Во текот на неделата, АХВ изврши и вонредни контроли кај други оператори – месарници, ресторани, сендвичарници и маркети.
Кај дел од нив се утврдени прекршоци како нерегистрирано работење, недостаток на обука за безбедност на храната и пуштање во промет на небезбедни производи.
За сторените прекршоци се изречени парични казни, временa забрана за работа и налози за отстранување на неправилностите, а небезбедната храна е уништена.