Поради сериозни технички проблем вчера Македонската радио-телевизија (МРТ) не ги емитувала редовните телевизиски дневници во 17:00, 19:30 и 22:30 часот, соопштија од јавниот сервис.
„Се врши проверка дали станува збор за намерен упад во мрежниот систем, поради постоечки сомнежи за пробивање на заштитниот механизам од надворешни напади и влијанија“, известуваат официјалното соопштение од МРТ.
Оттаму додаваат дека во истрагата и расветлувањето на случајот ќе бидат вклучени сите надлежни државни институции, а во меѓувреме се преземаат мерки за стабилизирање на системот и нормализирање на емитувањето.
Јавниот сервис упати извинување на гледачите поради прекинот на програмата и неможноста да ги следат централните информативни изданија, нагласувајќи дека МРТ ќе продолжи да известува навремено, објективно и во интерес на јавноста.
Т.Д.