Денвер ги победи Лос Анџелес клиперс со 120-98 во рамки на еден од најинтересните натпревари во НБА-лигата утринава. Никола Јокиќ иако на претходните два натпревари постигна 56 и 48 поени, синоќа беше доста тивок со само 16 поени и седум скока, но Нагетс лесно го победија тимот од Лос Анџелес. Кај Клиперс, Кевин Портер Јуниор и Норман Пауел имаа по 16 поени.
Најдобриот тим во лигата, Кливленд славеше против најслабиот Вашингтон со 115-105. Дариус Гарланд со 24 поени беше најефикасен кај Кавалирс со 24 поени, Џерет Ален имаше 21, а Донован Мичел постигна 20 поени.
Лос Анџелес лејкерс загубија на гостувањето кај Минесота со 97-87. Ентони Едвардс имаше 23 поени за домашниот тим, додека во редовите на гостите, кои беа без Леброн Џејмс, најефикасен беше Ентони Дејвис со 23 поени и 11 скока.
НА ОСТАНАТИТЕ НАТПРЕВАРИ:
Филаделфија – Индијана 107-121
Чикаго – Шарлот 109-95
Мемфис – Бруклин 135-119
Јута – Феникс 126-134
Портланд – Сан Антонио 116-118