Таткото и тренер на Хабиб Нурмагомедов, Абдулманап починал во болница во Москва, Русија по компликации од ковид-19.
Светски познатиот тренер на мешани боречки вештини доживеал срцев удар откако беше позитивен на коронавирусот, па морал на итна операција, односно да му биде направен бајпас. Докторите морале два пати да го стават во индуцирана кома, но и покрај тоа што успеал да се разбуди, Нурмагомедов не можел да се избори против коронавирусот и за жал починал на 57-годишна возраст.
Постариот Нурмагомедов најпрво се разболе во април во својот роден Дагестан, па беше примен во болница со симптоми на пневмонија и одбиваше да се тестира на ковид-19. Откако неговата состојба се влошила со авион веднаш е префрлен во Москва, каде е утврдено дека е позитивен на опасниот вирус.
Хабиб е скршен од болка по трагичната вест, а дел од медиумите веќе почнаа со шпекулации дека светскиот шампион во лесна категорија во уфц ќе се повлече од спортот.
