Исламска држава, преку својата фондација Ал Азаим, објави закана со напади на фудбалски стадиони во Лондон, во Париз и во Мадрид во пресрет на четвртфиналните натпревари во Лигата на шампиони, пишува шпанска „Марка“.
Под закана на исламските екстремисти се најдоа средбите Арсенал – Баерн Минхен, Реал Мадрид – Манчестер сити и ПСЖ – Барселона и Атлетико Мадрид – Борусиија Дортмунд.
Шпански официјални лица, како што пренесува „Марка“, порачале дека нема причини за загриженост и оти наводните закани на Исламска држава се веќе примени безбедносните сили. Засега нема промени во однос на организација на мечевите во Мадрид за кои веќе постоеја посебни мерки на безбедност, бидејќи шпанската полиција ги смета како натпревари со висок ризик.
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.