Лос Анџелес лејкерс немаат решение за Сакраменто сезонава, па утринава го запишаа четвртиот пораз во меѓусебните дуели. Кингс пред своите гледачи славеа со 120-107 и тоа најмногу благодарение на Домантас Сабонис. Литванецот го запиша својот 23-ти трипл-дабл сезонава со 17 поени, 19 скока и 10 асистенции. Остин Ривс беше најефикасен кај Лејкерс со 28 поени.
Денвер се искачи на првата позиција на Западната конференција по победата во Мајами од 100-88 во реприза на ланското големо финале. Мајкл Портер Јуниор беше најефикасен со 25 поени, додека Никола Јокиќ беше релативно скромен со 12 поени и 14 скока.
Серијата трипл-дабл ефекти на Лука Дончиќ заврши на седум натпревари, но Далас го совлада Голден Стејт со 109-99. Словенецот го заврши натпреварот со 21 поен, а најефикаен беше Кајри Ирвинг со 23. Кај Вориорс, трет натпревар по ред го немаше Стеф Кари поради повреда.
НА ОСТАНАТИТЕ НАТПРЕВАРИ
Детроит – Торонто 113-104
Орландо – Бруклин 114-106
Индијана – Чикаго 129-132 (во продолжение)
Мемфис – Шарлот 98-110
Њу Орлеанс – Кливленд 95-116
Портланд – Атланта 106-102