Претседателот на Стопанската комора на Северна Македонија, Бранко Азески, во отворено писмо до премиерот Димитар Ковачевски уште еднаш повикува на склучување на договор меѓу јавниот и приватниот сектор, и на задолжителната консултација на бизнисот при донесувањето на законите… Според него бизнис-заедницата е значаен фактор во создавањето на БДП, во плаќањата на даноците, во вработувањето и во создавањето нови работни места… Тој се пожали и дека поради непотпишување програма од страна на државата, Комората не може да користи европски средства за енергетска ефикасност односно средства од Европска програма „Лајф“, една од клучните европски програми за финансирање на климатските промени, енергетската ефикасност, на транзицијата кон чиста енергија, циркуларната економија и на природата на биодиверзитетот, додавајќи притоа дека активностите на Комората кон евроатлантските интеграции се одвиваат со несмалено темпо…
