Седмиот ден од женскиот дел на турнирот во Индијан Велс елиминирани се две носителки.
Најголемото изненадување го направи Маркета Вондрушова која со 2:0 по сетови 7:6 и 6:4 славеше над четвртата носителка Онс Жабер, а настапот го заврши и фаворитката број осум, Дарија Касаткина по поразот со 6:4 и 6:4 во дуелот против Варвара Грачева.
Најголемата фаворитка за освојување на трофејот, Ига Својнтек забележа победа со 6:3 и 7:6 во соочувањето со Бјанка Андрееску, а петтата носителка Каролин Гарсија беше поуспешна од Лејла Фернандез.
Елена Рибакина триумфираше над Паула Бадоса, Беатриз Хадад Маја ја совлада Ема Радукану, а турнирот го продолжуваат уште Сорана Кристеа и Маролина Мухова.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.