Вториот тенисер на светот Карлос Алкараз се пласираше во полуфиналето на АТП турнирот во Буенос Аирес.
Шпанецот славеше со 6:4 и 6:2 во мечот против Душан Лајовиќ од Србија и ја забележа втората победа во новата сезона откако на стартот поради повреда го пропушти учеството на првиот Гренд слем во Австралија.
Противник во полуфиналето ќе му биде сонародникот Бернабе Запата Миралес кој по голема борба во три сета со 6:3, 6:7 и 6:3 го елиминираше петтиот фаворит, Франциско Черундоло од Аргентина.
Во второто полуфинале ќе се соочат Камерон Нори и Перуанецот, Хуан Пабло Вариљас.
Британецот со 5:7, 6:0 и 6:3 го елиминираше домашниот тенисер Томас Мартин Ечевери додека Вариљас беше поуспешен од Лоренцо Мусети.
ФОТО: Игор Паневски
© 2020 Телевизија Телма. Сите права се задржани.
Овој текст не смее да се печати или емитува, во целина или во делови, без договор со Телевизија Телма.