Поради опасност да го повтори делото – силување дете кое не наполнило 15 години, да влије врз детето жртва, но и поради ризик од бегство, Обвинителството бара да му се одреди притвор на 28 годишен гостиварец.
Осомничениот кој бил вработен во основно училиште, го навел девојчето на возраст од 14 години да му прати свои фотографии и видеа со сексуално експлицитна содржина, а потоа ја уценувал дека ќе ги објави ако не излезе со него.
Девојчето жртва прифатило да се сретнат, по што осомничениот го однел во куќа во гостиварско и извршил обљуба.
Овој месец повторно ја уценувал да се сретнат, но кога девојчето одбило, тој на социјална мрежа ги објавил експлицитните фотографии и видеа.
Од Основното јавно обвинителство Гостивар соопштија дека водат истражна постапка за две кривични дела силување дете кое не наполнило 15 години, како и злоупотреба на туѓа снимка, фотографија, аудиозапис или спис со сексуално експлицитна содржина.
За криивичното дело делото силување затворската казна е најмалку 8 години, а за објавување компромитирачки фотографии затворската казна е од 3 до 10 години.