Повеќе профили на социјалните мрежи кои нудеа естетски зафати со филери и ботокс, а поврзани со осомничени во македонската акција против криминалната група се затворени откако лекарите кои ги раководеа тие профили добија мерки за обезбедување или притвор од скопскиот кривичен суд.
Некои од понудувачите на илегални естетски зафати биле директно поврзани со српски клиники за разубавување од кои земале и купувале филери за измазнување на кожата на лицето.
Обвинителството вчера дека криминалната група во која има и лекари специјалисти, организирано набавувале фалсификувани медицински лекови и медицински помагала и нелегално ги ивезувале од Србија, Кореја и Турција.
Судот, по предлог на обвинителството на сите 19 осомничени им изрече мерки за обезбедување.
Збирно од оваа акција во која предложени беа и мерки на претпазливост, судот на 6 лица им определи ефективен притвор, на 4 куќен притвор и определени се мерки на претпазливост на 9 лица, соопштуваат од кривичен.
Меѓу осомничените има лекари од градската болница 8-ми Септември и од Клиниката за дерматологија, сопственици на приватни ординации, а с акцијата е опфатен и цариник кој овозможувал и помагал при нелегалниот увоз на филери и ботокс инекции кои подоцна се употребувале.
Блиски луѓе на осомничените пак ги чувале медицинските препарати во своите домови поради што се опфатени со истрагата за помагање.
Истрагата е отворена за кривичните дела „злосторничко здружување“, „повреда на права од индустриска сопственост и неовластена употреба на туѓа фирма“ и „примање поткуп“, а истрагата ја води Обвинителството за гонење на организиран криминал и корупција.
Миомир Серафиновиќ