Уште еден тинејџер се кандидира за гувернер на Вермонт, овојпат успевајќи да се најде на гласачкото ливче за општите избори, поттикнувајќи дебата за минималната возраст за политичка функција во сојузната држава.
Кандидатот Дин Рој, кој е на 14-годишна возраст и сè уште не може легално да гласа вели дека неговиот интерес за политика започнал уште во осмо одделение, по посета на државниот Капитол и кратка пракса како законодавен помошник.
„Не очекувам нужно да победам. Она што го очекувам е да го започнам движењето и да добијам повеќе млади луѓе да се вклучат и да кажат: ‘Да, и ние сакаме да направиме промени’“, изјави Рој.
Тој ќе биде првиот кандидат за гувернер под 18 години кој ќе се појави на општите избори во Вермонт, откако ја обезбедил кандидатурата преку сопствена трета партија – Партијата за слобода и единство кој тој ја формирал во 2025 година. Уставот на државата не предвидува минимална возраст за гувернер, туку само бара кандидатот да живее во државата најмалку четири години. Инаку тој има свој вебсајт кадешто има јавно достапни податоци за него, но и политичка програма за тоа како би дејствувал. Активен е ѝ на социјалните мрежи каде ги испраќа политичките пораки до потенцијалните гласачи.
„Не се идентификувам со ниту една од големите партии“, рече Рој, кој како главно политичко прашање го издвојува домувањето и достапноста на станбен простор.
Случајот повторно отвора прашања за уставното толкување и изборните ограничувања, бидејќи повеќето американски држави имаат минимална возраст за гувернер, најчесто 30 години, а во некои случаи и 25.
Поранешниот наставник на Рој, Џејмс Карпентер, го опишува како исклучително љубопитен и посветен ученик. „Тој секогаш беше ангажиран и навистина фокусиран на часовите, поставуваше одлични прашања“, изјави Карпентер, додавајќи дека иако повеќето тинејџери не размислуваат за даноци или здравство, Рој се издвојувал како „стара душа“.
Дебатата околу кандидатурата ја засилува и правното толкување на уставот, при што дел од експертите сметаат дека индиректно постои минимална старосна граница преку изборното право на гласање, кое започнува на 18 години.
Dean Roy may not be old enough to drive, but that’s not stopping the 14-year-old from running to become Vermont’s youngest governor.
The high school freshman talks to ABC News’ Danny New about his gubernatorial campaign. pic.twitter.com/q1AG0sTvNN
— ABC News Live (@ABCNewsLive) December 10, 2025
Т.Д.